DESKRIBAPENAK

DESKRIBAPENEN TEORIA: 

deskribapenen teoria

deskripzioa gorputza

deskripzioa izaera

deskripzioa jantzia

DESKRIBAPENEN ARIKETAK

GORPUTZA ETA IZAERA:

             Ondoko gelan egunero lo egiten duen neskak Naia du izena. Nire ahizpa da, eta ni baino bi urte gazteagoa da. Nire antz handia duela esaten duten arren, nire ikuspuntutik zeharo desberdinak gara. Bilohoria da, edo hori esaten du behintzat ilea tindatu zuenetik, baina nik gaiztankara ikusten jarraitzen diot. Nahiz eta zotza baino meheagoa izan, biziki gihartsuak ditu hankak; sasoi onean egon izan da beti, korrika egitea izugarri gustukoa baitzuen. Gainera, hankaluzea denez, lasterketa gehienak irabazten zituen! Aurpegi oso zurbila izaten ohi du beti, gixajoa gaixo dagoela dirudiela; hala ere, udako eguzki-izpiak gogor berotzen hasten direnean, beltzarankara bihurtzen da bat-batean. Izugarri xarmanta da eta beti egoten omen da aurpegia margotzen ahalik eta lirainek egoteko. 

              Ahizparen izaerari dagokionez, esan beharra dago oso urduria dela; hori dela eta, txantxari deitzen diogu familiartean, eta beti espaka ibiltzen da, ez baitzaio batere gustoko. Egia da alproja galanta dela, baina bere zereginekin oso arduratsua izaten da gehienetan. Barrenkoia da oso, inoiz ez dituelako burutik igarotzen zaizkionak kanporatzen eta asko kostatzen zaio ingurukoekin mintzatzea; besteen gauzak jakitea, ordea, beti du gustoko; sarritan erraten ohi diot ez dela hain begiluzea izan behar, baina alferrik. 

JANZKERA: 

            Nire lagun baten janzkera bitxia izaten ohi da; izan ere, lekuaren arabera, janzteko modu oso desberdina du: esate baterako, uniberitsitatera joaterakoan, praka beltz arrunt batzuk eta artilezko jaka janzten ditu, mendiko bota batzuk oinetan jarriz. Ustez, ez dio garrantzi handirik ematen eguneroko arropari. Gainera, batzuetan, atzekoz aurrera jarri ditu galtzerdiak edo alkandora! 

           Aldiz, lagunok elkarrekin festa batera joatean, janzteko erak ez dirudi axola ematen dionik: belusezko soineko luze batekin etorri daiteke egun batean, zapata takoidun batzuekin; edo beharbada, galtzerdi beltz luzeak jartzen ditu minigona baten azpian. Dena den, esan beharra dago txit dotore janzten dela egoera hauetan. 

           Azkenik, kirola egitera ateratzen denean, kirola egiteko ohikoak diren jantziak eramaten ditu soinean; hala nola, lokarridun zapatilak, galtzamotzak etab. Aipagarriak dira kulotaren kolore biziak: batzuetan arrosa, besteetan hori distiratsua, eguzkiaren kolore berekoak. 

LEKUA: 

           Durangaldeko herri batekoa dut aita. Abadiñokoa. Ez gara maiz joaten, beharbada hilero bisita egiten diegu aitona-amonei. Hala ere, joaten naizen bakoitzean etxeko balkoitik inguratzen nauen paisaiari begiratzen diot, liluraturik: eskuinaldean, Muntzaraz dorrea ikus daiteke, eta horren aurre-aurrean, zuhaitz gorriz betetako baso txiki bat. Ezkerraldean, berriz, Urkiolako zonaldea mirets daiteke; Alluitz, Aitz txiki, Untzillaitz eta Anboto mendiak lerrokaturik ikus daitezke, durangaldea inguratu eta babestuko balute bezala. Zerua urdin-urdina dago joaten naizen oro, edo hala gogoratzen dut nik behintzat. Oihalezko maindire urdin horren gainean, forma ugariko hodeiak nabariak dira alde batetik bestera biraka. A zer nolako bakea arnas daitekeen joaten naizen aldiro!